香港新浪網MySinaBlog 精選話題工具
新浪網 - MySinaBlog
« 上一篇 | 下一篇 »
反浪漫愛情故事12 - 移情別戀
扑頭黨黨員 | 28th Aug 2009 | 一般 | (83 Reads)
為咗解除我同霞姐嘅情降，我攞咗文少嘅頭髮俾火羽大師作法，火羽大師就將文少條頭髮綁上之前霞姐條頭髮度，然後同我講：「膠顛，二猴下車就唔會栽種綺膩，變性中醫文少。(搞掂，以後霞姐就唔會再鍾意你，變成鍾意文少。)」

吓???咁簡單???咁就洗咗我四千蚊喇!!!

@

第二日，我就重新返工啦，一去到公司樓下，就見到霞姐。

霞姐一見到我就好開心：「阿發，見到你就好喇，我等咗你好耐呀!!!」

「吓???霞姐，你等我做咩呀???」死火，唔通佢仲鍾意我。

「阿發，我想話你知，我諗清楚喇，我同你嘅事都係算吧啦，你當我冇俾過果封信你好唔好呀???」

嘩!!!緊係好啦!!!火羽大師果然厲害呀!!!我懶大方咁同霞姐講：「放心啦霞姐，我地永遠永遠都係好朋友!!!」太好喇，咁我就可以甩身喇!!!

「咁就好喇，阿發，既然我地係好朋友，有件事我想你幫手呀!!!」

「冇問題，我緊幫你啦霞姐。」

「太好喇，係咁嘅，阿發，你之前喺醫院隔離床果個叫做文少嘅朋友呢，你可唔可以俾佢個電話我呀???」

嘩!!!似乎霞姐真係鍾意咗文少喎!!!雖然我的確有文少電話，不過，由於我仲有少少良知，我講咗個大話：「文少電話???我……我冇喎……哎吔……幫你唔到呀霞姐。」

霞姐立即黑面：「你講大話!!!口窒窒咁，你呃我唔到架，衰仔，快d話我知文少個電話呀!!!」

哇~!!!死!!!我唯有繼續扮傻：「冇……冇呀，真係冇呀!!!」

霞姐嬲到爆：「你去死啦!!!」

嗱，文少，我已經盡力阻止霞姐纏上你，世界咁大，你唔會咁黑仔俾霞姐撞到啩!!!

留言(10) | 引用(0) | 話題(超級無敵接故仔)

[1]

今集這麼少字，騙稿乎？

 灰先生
[引用] | 作者 灰先生 | 28th Aug 2009 | [舉報垃圾留言]


哈哈哈哈!!!好明顯係我偷懶啦!!!

實情係，如果再寫落去呢一篇就會太長，所以之後果段要另外分一篇。(藉口)
[引用版主回覆] | 作者 扑頭黨黨員 | 29th Aug 2009

[2]

唔怪得文少到而家都唔浮面, 叫霞姐試下扔冬瓜落海, 可能有機搵到文少~

 飛天火羽
[引用] | 作者 飛天火羽 | 28th Aug 2009 | [舉報垃圾留言]


哈哈!!!我懷疑文少轉咗行做潛水員!!!
[引用版主回覆] | 作者 扑頭黨黨員 | 29th Aug 2009

[3]

第一段：

然後同我講：「膠顛，二猴下車就唔會栽種綺膩，變性中醫文少。(搞掂，以後霞姐就唔會再鍾意你，變成鍾意文少。)」

 

我睇到呢度笑到合唔埋口…真鬼馬！

陸宜
[引用] | 作者 陸宜 | 28th Aug 2009 | [舉報垃圾留言]


哈哈，我覺得火羽大師係成個故仔最過癮嘅角色，不過佢d騎呢對白真係好難諗架!!!
[引用版主回覆] | 作者 扑頭黨黨員 | 29th Aug 2009

[4]

咁短？！快啲上稿，好想知道霞姐搵唔搵到文少！

 Dozy
[引用] | 作者 Dozy | 30th Aug 2009 | [舉報垃圾留言]


如果霞姐最後都搵唔到文少，大家一定嗌回水!!!哈哈哈哈!!!
[引用版主回覆] | 作者 扑頭黨黨員 | 31st Aug 2009

[5]

12篇黎講呢篇最短....呃稿費~~~

 阿虎
[引用] | 作者 阿虎 | 30th Aug 2009 | [舉報垃圾留言]


短係短d，不過有d嘢唔一定係長好過短架，哈哈哈哈!!!
[引用版主回覆] | 作者 扑頭黨黨員 | 31st Aug 2009

[6]

期待呢部小說搬上銀幕！

 方圓
[引用] | 作者 方圓 | 30th Aug 2009 | [舉報垃圾留言]


如果真係拍成電影，恐怕會創出票房紀錄，不過係最低紀錄，哈哈哈哈!!!
[引用版主回覆] | 作者 扑頭黨黨員 | 31st Aug 2009

[7]

將呢d故事寫成連環圖倒幾攪嘢！

 堅毅忍者
[引用] | 作者 堅毅忍者 | 31st Aug 2009 | [舉報垃圾留言]


畫公仔???咁就一定要搵堅毅兄幫手喇!!!事關我d畫功實在......
[引用版主回覆] | 作者 扑頭黨黨員 | 1st Sep 2009

[8]

喂,幾時會有我出場ga?

 毫無人性
[引用] | 作者 毫無人性 | 31st Aug 2009 | [舉報垃圾留言]


哈哈，你又想學文少找死嗎???好，我成全你!!!
[引用版主回覆] | 作者 扑頭黨黨員 | 1st Sep 2009

[9]

哈哈﹐我之前潛水咁耐你地都搵我唔到﹐如果咁都比霞姐搵到的話﹐就真係恐怖囉~
﹑

 文少
[引用] | 作者 文少 | 1st Oct 2009 | [舉報垃圾留言]


你潛水都冇用架喇，緣份呢樣嘢，要嚟嘅擋都擋唔住，霞姐搵到去天腳底，落埋水底都要搵到你為止呀!!!
[引用版主回覆] | 作者 扑頭黨黨員 | 2nd Oct 2009

[10] Re: 扑頭黨黨員
扑頭黨黨員 :
你潛水都冇用架喇，緣份呢樣嘢，要嚟嘅擋都擋唔住，霞姐搵到去天腳底，落埋水底都要搵到你為止呀!!!


聽講係你話神婆落我情降嘛﹖呢個同緣份無關係...

 文少
[引用] | 作者 文少 | 5th Oct 2009 | [舉報垃圾留言]


哈哈哈哈，又係喎，不過正所謂皇天不負有心人，霞姐咁愛你，個天一定會幫佢嘅!!!
[引用版主回覆] | 作者 扑頭黨黨員 | 6th Oct 2009