小說中，南蠻王孟獲作亂，蜀國承相諸葛亮於是親征南蠻，諸葛亮用兵如神，大敗南蠻兵，生擒孟獲，孟獲不服輸，諸葛亮就將其釋放，孟獲被釋放後又再起兵反抗，然後又再被諸葛亮生擒，再被釋放，然後再被生擒再被釋放，如是者經過七擒七縱之後，孟獲終於心悅誠服，歸順諸葛亮，從此不再作亂。
最近睇見新疆嘅維吾爾族人作亂，攪到當地人心惶惶，究竟點樣先可以平息呢d種族暴亂呢???小弟就諗起”三國演義”，裡面有一段，正正係講述如何降服少數民族，呢一段就係「七擒七縱」。
[1]
[2]
[3]
[4]
[5]
[6]
[7]
[8]
[9]
|
如果你真係認識阿爺D少數民族政策﹐你會知道阿爺並唔係純粹派錢式...甚至我可以話﹐阿爺D少數民族政策﹐係世界上數一數二咁好。至少﹐如果用香港對待印巴人政策去比﹐香港差七皮。 |
|
|
我唔係話阿爺嘅少數民族政策唔好，不過問題係，阿爺呢頭對我地呢d異族笑笑口送呢樣送果樣百般討好，轉頭又心狠手辣欺壓其他百姓，異族嘅眼睛好雪亮，大家都睇到阿爺喺我地面前只不過係扮好人氹我地落搭，阿爺真正嘅一面仍然係一個殘暴嘅惡霸，咁我地呢d異族又點可能甘心歸順呢??? 所以我話要以德服人，阿爺一日繼續靠惡，唔真正愛護百姓，就算對少數民族再蹤再偏袒都冇用，大家都唔會中阿爺嘅攻心之計。 |
[10] Re: 扑頭黨黨員
扑頭黨黨員 : 講真﹐以德服人呢﹐就從來都係得個講字的。你不如講下﹐自有人類歷史﹐有咩民族衝突可以靠以德服人解決﹖ 美國而家夠民主自由啦﹖當年美國國土點得返來﹖咪又係打到班印地安土著PK﹖美國而家黑鬼做總統添啦﹐又有無向黑人有民族政策傾斜呀﹖會唔會比黑人自己搞個自治州呀﹖ 澳洲而家叫民主國家啦﹖當年咪又係打到班澳洲土著死大半﹖以色列係美國大盟友啦﹖又點對D巴勒斯坦人先﹖ 相比鬼佬﹐阿爺D民族政策﹐嚴重向少數民族傾斜﹐仲唔算以德服人﹖不如你話比我聽﹐咩叫以德服人先﹖ 再講﹐你自己都識得講七擒七蹤啦﹖咩叫七擒七蹤呀﹖就係你造反﹐我就打柒你﹐打完唔做瓜你﹐你轉頭造反又打柒你﹐打到你驚打到你呆﹐打到你唔敢拆我台! 試問七擒七蹤係以力假人﹐定以德服人先﹖咪又係以力假人﹖ |
|
|
你想咁樣去否定「以德服人」四個字，未免有d夾硬嚟喎，雖然打天下係用武力，但打完之後，要個皇位坐得穩，都要靠施行德政搏取民心，否則民變不斷，個政權都唔慌會長命。 阿爺果d傾斜嘅少數民族政策係「收買人心」，唔係「以德服人」。”德”唔只係對人施予恩惠咁簡單，係一個人嘅思維、言行嘅良好標準，阿爺經常欺壓百姓，又有何”德”可言呢???阿爺想以德服人，就要檢討吓自己嘅所作所為，搞返好自己個形象先啦。 唔好當d異族係白痴，大家會觀察阿爺管治國家嘅整體表現嚟考慮阿爺信唔信得過，唔會因為阿爺對自己嘅偏袒就認定阿爺係好人，就好似一個男人要追女仔，又送花又送禮物，甜言蜜語有求必應，點知轉頭俾個女仔見到佢虐待兒童、又搶阿婆手袋，咁個女仔一定認定個男人係衰人，又點會接受個男人呢??? 以力假人，敵人只係驚咗你，但敵意仍然存在，甚至更大，一有機會就會對你報復。而七擒七蹤係一種攻心之計，你想殺我，我偏偏要放生你，顯出自己以德報怨，軟化對方嘅敵意，令對方真心歸順，兩者分別好大的。 |
[11] Re: 扑頭黨黨員
扑頭黨黨員 : 我唔係夾硬來﹐而係事實如此。秩序之所以存在﹐係靠武力維持。 而我一直以來﹐都認為道德只不過係表面﹐道德﹐只不過係一種以糖衣包裝嘅詐術。 德﹐就好似忠﹑義一樣﹐係一種包裝。你自己都識講﹐阿爺要以德服人﹐要搞返好個形象。換言之﹐德﹐只不過一種包裝。 我成日話﹐呢個世界﹐形象好緊要。係咪好人﹐根本唔重要。你即使係一個賤人﹐只需要包裝﹐等人覺得你係好人﹐你就係一個好人。 你講七擒七蹤﹐其實就係一個好例子﹐講到尾﹐成壇南蠻王之亂﹐就係漢人入侵外族之歷史。一句七擒七蹤﹐就包裝到以德服人﹐對方甘願歸順啦... 侵略本質﹐根本無改變﹐一樣係漢人打南蠻。 你霸人D地﹐人地唔順超﹐作反﹐你就打柒佢﹐打柒完對方唔殺佢﹐就叫以德服人呀﹖之後你又唔順氣﹐我又打柒你﹐有料做瓜你又唔做瓜你﹐又以德服人呀﹖ 不如咁啦﹐我拎把老牛老笠你﹐你想反抗﹐我打到你PK﹐我明明可以用老牛做瓜你﹐又唔做瓜你﹔之後又去老笠你﹐你又反抗﹐我又打柒你﹐好唔好﹖我以德服人呀﹖我就係話比你聽﹐我拳頭好叉大﹐但我唔想打你﹐所以你見到我﹐煩請自動比晒自己銀包D錢比我...好唔好﹖ 你明唔明呀﹖唔好再自欺欺人啦﹐道德係用來講比人聽﹐呃細路搵笨實ga~~ |
|
|
一個政權要有效管治國家，當然要有強大兵力作支持，但用武力只係治國嘅其中一個方法，治國不能單靠武力，武力同”德”，要兩者兼備。 我絕對同意形象好重要，大家都明白政治係最污穢嘅事，對政府嚟講，”德”呢樣嘢有時只係一個形象，但政府要得民心，無論真心又好，做戲又好，一定要識向人民顯示自己”德”嘅一面，如非必要，不會隨便動用武力。 你話諸葛亮出兵本質是侵略，不能稱為以德服人，不過你話係侵略，但另一個角度睇亦可以話係平亂，而且諸葛亮並非單靠武力嚇到南蠻人唔敢再作反，而係用放生對方嘅懷柔手段成功消除南蠻人嘅敵意，呢樣就係以德服人。 至於你果個老笠例子，個賊就真係侵略喇，當然不能跟諸葛亮相比，如果真係有一個被劫者會當個賊係好人，佢應該係患上咗斯德哥爾摩症候群囉!!! 道德係唔係呃細路，就視乎你點睇呢個世界囉，如果你覺得施行德政嘅統治者都唔係好人，甚至覺得呢個世界個個都係虛偽嘅衰人，道德永遠都只係衰人嘅一個包裝，咁道德就係呃細路囉。 |
[12]
|
而中共對香港人嘅攻心手法，同對新疆維族人其實都有d相似，一樣係遷入大量新移民想將我地同化，然後又喺經濟民生上俾着數我地，中共以為咁樣我地就會乖乖歸順，聽聽話話，可惜中共始終都係欠缺咗一d嘢，欠缺咗一個「德」 你以為啦, 香港人普遍都有不同程度同大陸接觸. 你睇下幾多人返大陸就知啦. 我敢講,香港人是十分現實的,經濟好,社會自然少人反對聲音.當然扑頭哥哥你呢d die hard fans. 層次高我地咁多. 但你呢類佔香港的人唔多. 好似陶傑呢類人, 畢竟只是少數. |
|
|
香港人一向都政治冷感，會對政治發表意見嘅人從來都係少數架啦，不過其餘沉默嘅大多數，佢地嘅沉默又唔一定係代表服從。 我都同意香港人好實際，返大陸有錢搵，又有得吃喝玩樂，當然返啦，阿爺有着數送，當然要啦，不過一到立法會選舉，呢班沉默大多數當中，又會有六成人投票俾逢中必反嘅民主派，維護返民主自由帶俾大家嘅好處，你話香港人幾實際呢!!! |
[13] Re: 扑頭黨黨員
扑頭黨黨員 : 我認為﹐古今中外﹐由此至終都只不過係外儒內法﹐包括所謂民主﹐當中嘅法﹐唔係解法治﹐係指法家思想。 你可能覺得大陸阿爺果套係一味靠惡﹐不過換個角度來講﹐只係包裝唔得﹐即係政治公關做得唔好。 掉返轉﹐新加坡外表上都有所謂民主﹐但其實都係人民行動黨一黨獨大﹐李氏王朝﹐只不過包裝得好﹐加上李光耀係因反共上台﹐美國佬唔會唱臭佢。 反觀大陸﹐你可以話阿爺歸錯邊﹐所以雖然都有套做樣既人大制度﹐但因為跟錯蘇聯做大佬﹐但大佬蘇聯都釘得蓋﹐阿爺咁大風浪都唔死得﹐國家無四分五裂﹐我問你﹐靠咩﹖ 歷史當然無假如﹐但假如當年冷戰美國佬係瓜柴一方﹐你估仲有無人講你果套﹖社會會唔會係以嘲諷美國“帝國主義”為時尚﹖ 所謂“德”﹐從來都係勝利者制訂準則的﹐我地係成長“學習”一刻﹐就被統治者“灌輸”一套“價值觀”...以前我地比英國佬“灌輸”一套“價值觀”﹐而家輪到阿爺做﹐你話阿爺想下一代洗腦﹐你又唔諗下﹐其實我地咪又係比人洗左腦﹖只不過阿爺做得kai少少﹐鬼佬做得高明D﹐洗完你都唔覺咋嘛﹖ |
|
|
你講嘅都有道理，就好似早幾日睇電視講北韓，靠武力同思想控制，一樣撐咗幾十年唔倒台，我地睇見d北韓人好似一個個冇思想、冇靈魂嘅奴隸咁，可能會覺得佢地好慘，但d北韓人可能根本唔覺得有問題。 不過北韓仍然實施緊鎖國政策，而大陸就已經改革開放，全球一體化之下，中國人對民主、自由、人權呢d普世價值認識越來越多，阿爺想洗腦都唔係咁容易，究竟中國人會喜歡民主自由多d，定係喜歡專制統治多d呢??? 如果阿爺可以令中國百姓活得開心，咁佢就算專制d我都或者可以接受，最弊而家大陸嘅民怨又越來越大，實在好難令人唔擔心。 |
[14] Re: 扑頭黨黨員
扑頭黨黨員 : 其實我同大家講過好多次一個問題﹐就係“何以見得”呢個問題。 人﹐唔係全知全能﹐我地好多時候對一D事物既睇法﹐其實係一種印象﹑感覺﹐而印象﹑感覺﹑睇法形成﹐取決於資訊來源。所以﹐資訊內容﹐係影響個人睇法之決定性因素。 我地成日話﹐而家係資訊年代﹐我個人睇法係﹐所謂資訊年代﹐主要唔係講資訊流通越來越發達﹐而係資訊﹐已經成為一種力量﹐一種決定勝負之力量。 所謂成為力量﹐唔係淨係邊個掌握更多資訊為勝﹐仲係邊個控制發放資訊為勝。換言之﹐邊個有能力掌握真正準確之資訊﹐而且控制發送資訊的話﹐就係強者。 返回問題重點﹐其實你所謂“北韓好獨裁”﹑“大陸好多問題”﹑“民怨”﹑“中共執政質素”﹑“大陸多貪污”“特首管治能力”﹐乃至所謂“熱錢流入香港股市”﹐呢D消息﹐從何而來﹖何以見得﹖你憑咩去認為﹐你所接收之資訊﹐乃係事實真相﹐以及真相之全部呢﹖ 事實上﹐我地所接收之資訊﹐其實大部份由傳媒而來﹐傳媒其實會編輯資訊。換言之﹐我地得知既﹐其實就係傳媒想令你知之資訊。假如﹐有傳媒想引導群眾向某方面諗﹐只需透過編輯﹐乃至文章內容﹑標題字眼稍稍改變﹐就決定一切。 香港人成日話阿爺想控制傳媒﹐其實就係來自呢個原理。問題又回來啦﹐既然阿爺可以想控制傳媒﹐即係其他人或其他勢力都可以控制傳媒啦﹖甚至其實已經有人控制緊啦﹖ 所以﹐我從來只係話阿爺想搞mind control﹐只係做得kai﹐或者應該係話係初學者﹐唔夠人地聰明咋嘛﹖事實上﹐究竟有無人控制住資訊流放﹖邊個控制緊﹖who knows。 或者我講個大家都會明既例子比你睇﹐大家回想下九七年之前﹐其實傳媒又有幾可鬧政府﹖又再講﹐直到九十年代﹐郁民因龍門陣上位﹐郁民當年左中右都鬧﹐點解龍門陣做做下會執左﹖真係無人發功﹖定係其實當年差佬個政治部﹐係擺係度發毛呢﹖ 我只會話﹐有好多野﹐唔好諗得太簡單啦。 |
|
|
作為一個普通人，我自問冇能力走遍全中國去了解每一個民眾嘅生活，所以只能依靠各方媒介提供嘅資訊去作判斷。 資訊同事實的確會有偏差，我唔敢講我認識嘅係真相嘅全部，不過就當我唔睇所有外來嘅資訊，淨係睇中國自己公佈嘅官方數字，都可以睇到以下嘅"事實"： 全中國的「突發群眾事件」總數 只要上網搵吓，仲可以搵到好多反映中國問題嘅官方數字，雖然官方數字都未必可信，但對以上呢d壞消息，阿爺唔會報大數唱衰自己掛??? 所以，中國民怨越來越大，呢個"事實"，我認為非常可信，而且情況非常令人擔心。 |
[15] Re: 扑頭黨黨員
扑頭黨黨員 : 作為一個普通人，我自問冇能力走遍全中國去了解每一個民眾嘅生活，所以只能依靠各方媒介提供嘅資訊去作判斷。資訊同事實的確會有偏差，我唔敢講我認識嘅係真相嘅全部，不過就當我唔睇所有外來嘅資訊，淨係睇中國自己公佈嘅官方數字，都可以睇到以下嘅"事實"：全中國的「突發群眾事件」總數1993年 8909件2003年 六萬件2005年 八萬七千件2006年後 官方沒有再公佈數字只要上網搵吓，仲... 我又有個問題﹐究竟何謂突發群眾事件先﹖示威﹑遊行﹐定暴亂﹖又當即使係暴亂啦﹐所謂民主國家﹐所謂領袖可以由選舉產生﹐都成日發生暴亂啦﹖示威﹑遊行﹐更加係家常便飯。 掉返轉去講﹐其實會唔會係大陸政治上比以前開明﹐群眾先會出去搞咩突發群眾事件呢﹖ 又再講啦﹐你既然話你自己反共嘛﹖而你又覺得阿爺專制獨裁﹐阿爺做得唔好﹐吏治腐敗﹐民怨加大﹐都會削弱阿爺管治根基﹐甚至可以話﹐對你地來講係一個推翻阿爺既契機﹐你又唔係擁護共產黨﹐你又何需擔心阿爺做得好唔好﹖ 阿爺做得越差﹐你應該覺得越開心至係嘛﹖係咪先﹖ |
|
|
數字係死嘅，你鍾意點樣解釋都可以，不過阿爺都唔會厚面皮到將人民宣洩不滿當成係自己開明領導嘅成績。 阿爺一貫嘅解釋，都係話有大量不明真相嘅群眾，被小部份別有用心嘅壞份子煽動，做出破壞法紀嘅行為。至於點解成日有咁多不明真相嘅群眾，咁容易被小部份壞份子煽動到呢???其實大家都心知肚明。 至於示威同暴動，如果只係少部份人反對政府，當然冇問題，即使大部份人都反對政府，如果有民主選舉，大可選過第二個政府上台，人民可繼續如常生活。但如果冇民主選舉，人民見示威暴動都冇效，到最後就唯有用武力推翻政府，咁就難免令國家陷入一片混亂。 我擔心嘅唔係中共，中國歷史中，每個朝代最後都會變得越來越腐敗，然後滅亡。我覺得中共都係一樣，只會繼續腐敗落去，倒台喺遲早嘅事，唔值得可惜。 我擔心嘅係，如果中國冇民主選舉，將來真係要人民用武力推翻中共，到時國家會亂成點??? 有d人話，如果推翻中共，中國就會四分五裂，打內戰，所以無論中共幾差都要盡量擁護，大局為重。我就覺得，如果政府有一日盡失民心，點擁護都冇用，如果中共真係要搞到自己倒台，咁都冇辦法架啦，冇人可以令中共永遠唔倒台，唔想中國日後改朝換代嘅時候又再一片亂局，最好就係推行民主，讓後來者可以用和平方式取得政權。 |
