  |
  
|
之前睇到文少寫文章講到，香港某大學前校長竟然唔識中國四大發明，我睇完之後都有d嘢想講。
每年頒發諾貝爾獎嘅時候，d傳媒經常都會提及，諾貝爾係發明炸藥嘅人，有冇搞錯呀???係人都知火藥係中國四大發明之一，早於唐朝已經有火藥嘅記載，如果話諾貝爾係炸藥嘅發明者，咁即係當中國人死嘅啫!!!呢d別有用心嘅傳媒，實在係嚴重傷害中國人民感情!!!
只要上網查一查，就可以知道，炸藥係有分好多種，每種都由唔同嘅成份所組成，諾貝爾於1866年發明嘅，係一種以硝化甘油為主要成份，叫做代拿邁(Dynamite)嘅炸藥(唔知係乜水改個咁鬼難聽嘅中文譯名!!!)。嚴格嚟講，諾貝爾只不過係發明咗其中一種炸藥，而喺1866年之前，早就已經有好多人製造出其他種類嘅炸藥，最早嘅，當然就係中國人發明嘅火藥，又稱黑色炸藥。
|
嚴格來講﹐中國係發明火藥﹐諾貝爾發明炸藥。 |
|
|
我都有諗過火藥同炸藥嘅分別，之前查過炸藥嘅定義，睇到有幾種講法，有d認為火藥係炸藥嘅一種，有d又話唔係，唔知邊樣先啱。 我自己就覺得，火藥同炸藥雖然具體性能差好遠，但基本功能係一樣，就好似固網電話同手提電話，其實都係電話。 |
扑頭黨黨員 : 我都有諗過火藥同炸藥嘅分別，之前查過炸藥嘅定義，睇到有幾種講法，有d認為火藥係炸藥嘅一種，有d又話唔係，唔知邊樣先啱。 你當然可以話﹐炸藥係0係火藥發明0既基礎上﹐發展出來。即係話﹐如果中國人無發明到火藥﹐大家未必會諗到要發展炸藥。 問題係﹐火藥同炸藥係兩種發明﹐就係兩種發明。就好似固網電話同手提電話﹐係兩種發明一樣。我甚至可以再講一D更近似既發明﹐就係DVD同blue ray。 你總唔可以話XYZ發明blue ray﹐就鬧人家係抹殺ABC發明DVD呀嘛﹖ 情況就係咁簡單。 |
|
|
我知道，呢個係炸藥嘅定義問題，如果"炸藥"唔係一個統稱，而係專屬於諾貝爾發明嘅"代拿邁炸藥"，咁諾貝爾當然係炸藥嘅發明者啦。 不過明明有好多人比諾貝爾更早發明出各種"可引起爆炸"嘅物料，點解果d唔算係炸藥，而諾貝爾發明嘅代拿邁炸藥先係炸藥呢???係邊個作出呢個定義嘅呢??? 我覺得咁樣抬舉諾貝爾，唔係好公平，當年提出呢種定義嘅時候唔知有冇人反對過，到而家呢種睇法已經係全世界公認，我就算反對呢個定義都唔會有人理我啦，所以我都知道我講嚟都係冇乜用架喇。 |
|
算啦,就正如喺高錕發明光纖之前差唔多一百年,已經有人做左一D有光纖性質既導管出嚟,問題係,果D人做完出嚟覺得好好玩不過無乜用,唔似高錕做完出嚟之後可以搵到方法大量生產同搵到一D好實際既用途遮... 所以,大家咪會普遍認同光纖係高教授發明囉... 炸藥同理啦. 諾生做既大致係將有爆炸特性既粉末穩定化同將佢既威力提升,令到呢一樣被稱為炸藥既野可以有方法被大量生產同埋搵到個實際用途,所以話佢係炸藥既發明者亦無不可既... 更加重要既係佢為呢一樣野申請左專利,法理上無論佢係唔係第一個整到呢樣野出嚟既人,佢都叫做係呢樣野既發明人啦,唔係邊度搵D錢嚟做諾貝爾獎金呀... |
|
|
Stanley兄又講得啱，小弟忽略咗"發明"嘅定義，而家所謂嘅"發明者"，都唔一定係第一個創造出產品嘅人，而家d文字嘅涵意真係可以好鬼複雜!!! |
|
咁都拗到一餐(閃) |
|
|
哈哈哈哈，聽講乜都拗一餐有助鍛鍊大腦，防上老人痴呆功效甚大架!!! |
(按此留言)
