病榻之上，有一個時日無多，但有錢到爆嘅富婆，正在為自己訂立一份遺囑。
富婆搵咗朋友A同朋友B，做佢嘅遺囑見證人，佢將遺囑交俾呢兩個見證人簽名，兩人一睇見遺囑上遺產繼承人個名，當堂O晒嘴!!!
朋友A不敢相信自己嘅眼睛：「有冇搞錯???你要將你全部遺產交晒俾佢???」
朋友B仲激氣：「你病到懵咗咩???佢呢隻畜牲有乜資格接受你d遺產呀???」
富婆有d氣若游絲：「我考慮得好清楚架喇，你地唔駛再勸我。」
朋友A非常疑惑：「我真係唔明，有乜理由會係佢架???」
「我將遺產交俾佢，原因好簡單，因為，我愛佢。」
朋友B很激動：「愛???你咪傻啦，我知道，呢段日子，佢成日都陪住你，又好識氹你開心，但係你都唔好咁蠢啦，佢得到咗你d遺產，你以為佢會感激你咩???佢唔會架!!!」
「你根本唔明，我愛佢，我唔需要佢感激我，我只係希望我死咗之後，佢可以繼續好好生活，咁我就走得安樂喇，呢個係我最後嘅心願呀。」
朋友A仲有其他嘢擔心：「但係，你嘅家人一定唔會同意你將遺產交俾佢架!!!佢地唔服氣，可能會搞到打官司架!!!」
「佢地唔同意又點呢???就算我d家人要告上法庭，我都要將遺產交俾佢，我就唔信個法官會判佢偽造遺囑嘞。」
睇見富婆咁堅持，朋友A同朋友B相對無言。
「你地冇嘢講啦，唔該同我簽名。」
然後，朋友A同朋友B就無奈地喺遺囑上簽字。
富婆接過遺囑，舒一口氣，然後將目光轉向那個一直伏在病床前，默不作聲嘅”遺產繼承人”，招一招手，溫柔地說：「我嘅寶貝，你真係乖，快d過嚟，俾我錫淡先，托馬斯諾~」
